][ مااقدر اجلس في مكان انسان .. كنتي تعشقينـه !! ]

يارفيف الماء وفجـر العيـد واحـزان الموانـي
ياأكثر اهل الأرض طيبة قلب .. وأسرار ٍ دفينـه ،
المكان اللي هنـا .. مليـان ضحكـات وأغانـي
والكلام اللي بغيـت اقـول .. يحتـاج لسكينـة ،
شوفي الركن البعيد هنـاك كنّـه صـدر حانـي
هذا هو اللـي يليـق بشاعـر وبنـت ٍ حزينـه ،
إنسـي الشـارع وعتمـات الزوايـا والمبانـي
هاتـي يدينـك نلـف الغيـم ونشكّـل مديـنـه ،
عندي الليلة كـلام وصمـت وأخـاف الثوانـي
تظلمه او تظلم اللي فيـه كـم ضاعـت سنينـه ،
بـس لازم تسمعيـن اللـي ابـي ولاّ تـرانـي
لو بـأعيده لك نسيت ورحت اقول اللـي تبينـه ،
شي واحد قبل ما أبـدأ ماابـي أي شـي ثانـي
يخطر فبالك وانا اكشف لـك شعـور تجهلينـة ،
إن أنا وبكـل ماتحملـة ( احبـك ) مـن معانـي
كنت وراح ابقى احبك لين مدري وش هو لينه !؟
بـس والله ماقـدرت انسـى ولا همـي نسانـي
لاذكرت انسـان فيـه اسـرار مابينـك وبينـه ،
كـل ماتطـري علـي فكـرة هـواك الأولانـي
أشعر انـي انطعـن مليـون مـره مـن يدينـه ،
أشعـر ان عيونـك الله ماخلقهـا إلا عشـانـي
كيف كانت تبتسم لـه قولـي انـك تخدعينـه !
صورة انه كان يمسـح دمعـك تزلـزل كيانـي
وكيف كان يلـم شعـرك ويتبعثـر فـي يمينـه ،
حتى إسمك يـوم رحـت أدلّلّـه حظـي رمانـي
بنفس الأسم اللي يقول .. بذمتك ماهي غبينه ؟!
وكنّـي اللـي كـل ماناديـك بالإسـم الفلانـي
أطلـب النسيـان يتـرك منـه شـي ٍ تذكرينـه ،
لاتظنينـي انانـي .. لا .. انـا مانيـب انانـي
لو سلمت من الغرق .. بـأموت في ظهر السفينه ،
ياأني ماأكمل واعاني .. أو أكمل .. ثـم أعانـي
كل ماأسمع طاري اسمه او تجي عيني فـعينـه ،
أينّا كـان الضحيـة وأينّـا اللـي كـان جانـي
مـدري .. ولكـن قـراري لازم انـك تقبلينـه ،
مثل ما اكره فكـرة انـه واحـد ياخـذ مكانـي
مااقدر اجلس في مكان انسان .. كنتي تعشقينـه !!

انتظر الردود

شكرا لك

العفو

اشكرك